Комората делува на подрачјето на регионот на Општина Битола и Општина Демир Хисар заради:

- развој и унапредување на занаетчиството;
- унапредување на стручните и деловните обичаи и норми;
- подобрување на квалитетот на занаетчиските производи и услуги;
- усогласување и унапредување на заедничките интереси;
- остварување на законитоста во вршењето на стопанска дејност;
- промоција на занаетчиството во земјата како и заштита и унапредување на дефицитарните занаетчиски дејности и старите занаети;
- соработка на занаетчии и други стопанственици со слични облици на здружување во земјата и странство;
- организирање на облици на стручно образование, преквалификација и доквалификација на занаетчиите и други лица;
- заштита, спроведување и унапредување на деловните обичаи;
- спречување на нелојална конкуренција;
- организирање на настапи на саеми – панаѓури на занаетчиството и слични стопански манифестации во земјата и странство;
- организирано и координирано користење на финансиска помош од домашни и странски извори наменети за развој и унапредување на стопанството и занаетчиството и други работи од интерес за развој и унапредување на занаетчиството и стопанството согласно со постоечките позитивни законски прописи.

Комората врши јавни овластувања утврдени со закон.
Јавни овластувања што ги врши комората се:

- издавање на решенија за вршење на занаетчиска дејност;
- издавање на сертификати за положен стручен испит за стручна оспособеност;
- издавање на сертификати за положен мајсторски испит за стекнување со звање мајстор;
- формирање на центри за обука, преквалификација и доквалификација на занаетчии и други лица;
- врши и други јавни овластувања во согласност со Закон.

Комората ги претставува вршителите на стопанско - занаетчиска дејност и другите стопански субјекти - членки на комората пред органите на власта на републиката и во локалните самоуправни единици како и надвор од државата со цел:

- рамномерен развој и унапредување на стопанството - занаетчиството во Р. Македонија, особено на старите и дефицитарни занаети;
- за промоција во земјата и странство за можностите и спецификите на стопанството - занаетчиството во Р. Македонија;
- организирање на облиците на стручно образование, преквалификација и доквалификација на вршителите на занаетчиската дејност;
- за заштита, спроведување и унапредување на добрите деловни обичаи;
- спречување на нелојалната конкуренција меѓу вршителите на стопанско – занаетчиска дејност;
- за развивање и одржување на единствен информативен систем кој ќе дава деловни и други информации потребни за стопанството - занаетчиството;
- и за други прашања во согласност со Закон.